काठमाडौं : पुँजी बजारमा थोरै बिक्री चाप परेको छ । बिक्रेता हावी हुँदा नेप्से सूचकमा पनि सामान्य दबाब परेको हो । साउन लागेसँगै सूचीकृत कम्पनीहरुले धमाधम वर्षभरिको कमाईको विवरण सार्वजनिक गरिरहेका छन् । औसतमा कमाई पनि राम्रै देखिएको छ । कम्पनीहरुले वित्तीय विवरण सार्वजनिक
विशेष गरी बैंक तथा वित्तीय संस्थाको अधिकमात्रामा हकप्रद र बोनस सेयर थपिएका छन् । यसैगरी, बिमा कम्पनीहरुले पनि पुँजी बढाउन हकप्रद र बोनसकै सहारा लिइरहेका छन् । बजारमा सेयर संख्या अधिकमात्रामा थपिने तर त्यसलाई खपत गर्ने नयाँ संयन्त्र खोजी नहुँदा केही समस्या थपिएजस्तो देखिन्छ । यसबाहेक पछिल्लो समय बजारमा अल्पकालीन कारोबारी हावी भएका छन् । यस्ता कारोबारीले छोटो समयमा सेयर बिक्री गरेर नाफा बुक गरिहाल्छन् । यसले पनि बजार सुस्त हुनलाई केही सहयोग पुर्याएको अनुमान गरिएको छ । आइतबार बजार नाप्ने नेप्से सूचक ११.४० अंकले तल झरेर १६४२.१३ विन्दुमा आइपुगेको छ । समग्रमा बजार ०.६९% प्रतिशतले ओरालो लागेको हो । कुल १६० कम्पनीको ८० करोड रुपैयाँभन्दा धेरैको सेयर किनबेच भएको छ । १९ लाख ६० हजार ६११ कित्ता सेयर किनबेच भएका छन् । नेप्सेमा सूचीकृत ८ वटा समूहमध्ये २ वटामा हरियाली देखिएको छ भने बाँकी समूहमा भने रातो रंग लागेको छ । उत्पादनमूलक समूह १६.२९ अंकले बढेको छ । उता, सबैभन्दा धेरै बिमा सूचक १०४.३७ विन्दुले तल झरेको छ । त्यस्तै, होटेल समूहमा ५४.५८ विन्दुको ह्रास आएको छ । पुँजी बजारमा वर्चस्व राख्ने बैंकिङ समूह ९.१६ अंकले घटेको छ । कारोबार रकममा नेसनल हाइड्रोपावर कम्पनीले अग्रता लिएको छ । यो हाइड्रोपावरको ६ करोड ३८ लाख रुपैयाँभन्दा धेरैको सेयर किनबेच भएको छ । यसैगरी, कारोबार रकमका आधारमा दोस्रो र तेस्रो स्थानमा क्रमशः नेपाल लाइफ इन्सुरेन्स र स्टान्डर्ड चार्टर्ड बैंक परेका छन् ।
कारोबार रकमका आधारमा प्रमुख १० कम्पनी
0 comments:
Post a Comment