यसर्थ, धैर्य गर्न सक्ने लगानीकर्ताका लागि बजारबाट लाभ नै हुने देखिन्छ । धेरैले वित्तीय विवरण सार्वजनिक गरिसकेकाले अब लाभांश घोषणा गर्ने पालो सुरु भएको छ । पुँजी बजारमा धेरै पक्ष सकारात्मक भइरहँदा पनि अधिकमात्रामा बढेको आपूर्तिले भने केही अप्ठेरो बनाएको छ । बैंक तथा बिमा कम्पनीहरुको भारीमात्रामा चुक्ता पुँजी वृद्धि भएको छ । यसले बजारमा सेयर संख्या ह्वात्तै बढाइदिएको छ । यसरी बढेको आपूर्ति थेग्ने दिगो संयन्त्र भने तय भएको छैन । बजार निर्माता छैन । गैरआवासीय नेपालीलाई सेयर बजारमा कारोबार गराउन सकिएको छैन । यसबाहेक बैंकहरुले कर्जामा लिने ब्याजदर तुलनात्मकरुपमा निकै धेरै छ । १५ प्रतिशत हाराहारीको ब्याजदर तिरेर ऋण लिनुपर्ने अवस्था छ । सेयर मार्जिन कर्जा पनि ५०% मात्र छ । यसले लगानीकर्ताको क्रय क्षमतालाई केही साघुँरो बनाइदिएको छ ।
नेप्से सूचक बुधबार ३.५० अंंकले बढेर १६३२.६६ विन्दुमा आइपुगेको छ । समग्रमा नेप्से ०.२१ प्रतिशतले बढेको हो । कुल १५८ कम्पनीको ७१ करोड ४३ लाख रुपैयाँभन्दा धेरैको सेयर कारोबार भएको छ । बाढीले तराई अशान्त हुँदा पनि कारोबार रकममा असर परेको अनुमान छ । कुल १६ लाख ५४ हजार ९८३ कित्ता सेयर कारोबार भएको छ । नेप्सेमा सूचीकृत ८ वटा समूहमध्ये ५ मा हरियाली छाएको छ भने बाँकी ३ वटा समूह राता भएका छन् । सबैभन्दा धेरै बिमा सूचक ७५.७८ अंकले बढेको छ । बैंकिङ समूह २.९६ अंकले माथि लागेको छ । उता, उत्पादनमूलक समूहमा भने ५३.१५ अंकको ह्रास देखिएको छ । कारोबार रकममा प्रुडेन्सियल इन्सुरेन्सको संस्थापक सेयरले बाजी मारेको छ । प्रुडेन्सियलको ३ करोड ४६ लाख रुपैयाँभन्दा धेरैको संस्थापक सेयर किनबेच भएको हो । यसैगरी, कारोबार रकमकै आधारमा दोस्रो र तेस्रो स्थानमा क्रमशः स्टान्डर्ड चार्टर्ड बैंक र नेसनल हाइड्रोपावर कम्पनी परेका छन् ।
कारोबार रकमका आधारमा प्रमुख १० कम्पनी
0 comments:
Post a Comment