निर्जीवन बीमा कम्पनी एनएलजी इन्स्योरेन्स कम्पनी (NLG) ले गतबर्षको कमाईबाट २५ प्रतिशत बोनस सेयर वितरण गर्ने प्रस्ताव गरेको छ । साथै कम्पनीले बोनसमा लाग्ने कर वापतको नगद लाभांस समेत दिने भएको छ ।
कम्पनी संचालक समितिको बैठकले हाल कायम पूँजीको २५ प्रतिशत अर्थात १२ करोड ८० लाख ८१ हजार २५० रुपैयाँ बराबरको बोनस सेयर वितरण गर्ने प्रस्ताव गरेको छ । साथै कम्पनीले बोनस बापतको करका लागि १.३१ प्रतिशत अर्थात ६७ लाख ४१ हजार ११६ रुपैयाँ नगद वितरण गर्ने भएको छ ।
कम्पनीले प्रस्ताव गरेको लाभांस वीमा समितिको स्वीकृतिपश्चात कम्पनीको आगामी साधारणसभाले पारित गरेपछि लगानीकर्तालाई वितरण गरिनेछ ।
हाल कम्पनीको चुक्ता पूँजी ५१ करोड २३ लाख रुपैयाँ छ । बोनसपछि कम्पनीको पूँजी ६४ करोड नाघ्नेछ ।
