निक्षेप संकलन र कर्जा परिचालन बढ्नु, निस्क्रिय कर्जा अनुपातमा सुधार हुनु, खुद नाफा बढ्नु, पूँजी तथा जगेडा कोषमा उल्लेखनीय बढोत्तरी हुनु उसका निकै आशलाग्दा पक्षहरु हुन् । बिदेशी मुद्राको कारोबार र अन्य संचालन आम्दानी भने घटेको छ ।
गत बर्ष ५० प्रतिशत हकप्रद र २० प्रतिशत बोनस बाँडेर चुक्ता पूँजी बढाएको बैंकले प्रतिसेयर आम्दानीमा सन्तुलन राख्न भने सकेन । हकप्रदमा नबिकेको सेयर लिलाम गर्दा आएको ५३ करोडको समेत हिसाब गर्ने हो भने तीन अर्ब ३० करोड आम्दानी थपिएको छ तर सेयर बिक्रीको रकमलाई खुद नाफामा देखाउँन मिल्ने अबस्था हैन ।
उसले झापा धुलाबारीको गैर बैंकिड. सम्पति बिक्रीबाट प्राप्त भएको ४७ करोड रुपैयालाई गैरसंचालन आम्दानीमा देखाएको छ ।
बैंक सवल र सक्षम बन्दै गए पनि कर्मचारी खर्च धेरै हुनु र गत बर्ष मात्रै यो खर्च ६३ प्रतिशतले बढ्नु चिन्ताको बिषय हो । पुराना र कामचोर कर्मचारीलाई बिदा गरी प्रबिधि र बैंकिड. शीप जानेका नयाँलाई भर्ना गरी काममा लगाउँदा कर्मचारी खर्च बढ्नु स्वभाविक भए पनि कर्मचारी खर्चमा तीन अर्ब १७ करोड खर्चिनु परेको छ । संचालन खर्च समेत जोड्दा कुल संचालन आम्दानीको ९७ प्रतिशत खर्च हुन गएको छ । बाणिज्य बैंकहरु मध्येमा सबैभन्दा धेरै २३० शाखा संजाल भएको बैंकको खर्च धेरै भयो भन्नु धेरै आपत्तिको बिषय नभए पनि त्यसमा सख्त नियन्त्रणको आबश्यकता भने छ ।गत बर्ष तरलतामा देखिएको समस्याले बचतको ब्याज दर बढाउनु परेकाले कोषको लागत पनि बढेर गएको देखिएको छ । यस कारण ब्याज खर्च पनि बढाउनु पर्यो ।
सरकारको अग्राधिकार सेयर समेतको हिसाब गर्दा चुक्ता पूँजी १२ अर्ब देखिन्छ तर वास्तविक रुपमा सात करोड मात्रै साधारण पुँजी हो । सरकारको अग्राधिकार सेयरलाई छ प्रतिशत नगद लाभांश ब्यवस्थापन गर्नुपर्ने छ । त्यस बाहेक साधारण सेयरधनीलाई २० प्रतिशत बोनस दिने यसअघि नै बैंकले घोषणा गरिसकेको हुँदा साधारण लगानीकर्ताले ढुक्कले लाभांश पाउने छन् । त्यसो गर्दा साधारण चुक्ता पूँजी आठ अर्ब सजिलै नाघेर राष्ट्रबैंकले तोकेको सिमा पार हुनेछ ।
कृषि बिकास बैंकका साधारण सेयरधनी मात्रै दुई लाख भन्दा बढी छन् । पहिले गाउँ गाउँमा ऋणीलाई सेयर बाँडिएको र दोस्रो बजारमार्फत सेयर किन्नेहरु बढेकाले सेयरधनीहरु धेरै भएका हुन् । वास्तवमा यसलाई जनताको बैंक भने पनि हुन्छ ।
प्रबिधि तथा बैंकिड. शीप जानेका नयाँ जनशक्ति भर्ना गरेर कृषि बिकास बैंक आधुनिकीकरणको चरणमा प्रबेश गरेको र कर्जा परिचालन र असुलीमा बिशेष सतर्कता अपनाउन थालेकाले अब बिगतमा जस्तो यो बैंक समस्यामा पर्दैन भन्ने बिस्वास गर्नुे आधारहरु धेरै छन् । त्यसमा प्रमुख कार्यकारी लिलाप्रकाश सिटौलाको प्रतिबद्धता र कृयाशीलताले ठूलो भुमिका खेलेको छ ।
कृषि बिकास बैंकको कर्जा पूँजी निक्षेप अनुपात ६२ मात्र रहेकाले उसले यस बर्ष अरु लगानी बढाउँनसक्छ ।
उसको प्रतिसेयर नेटवर्थ २३४ रुपैयाँ र मूल्य आम्दानी अनुपात १३ गुणा रहेको छ । यसले उसको सेयरमा लगानी गर्नु उपयुक्त हुने देखाउँछ ।
गाउँ गाउँमा फैलिएर जनतामा भिजेको बैंक हुनाले अब कारोबारको दायरालाई बढाउन उसले मर्चेन्ट बैंकिड., सामुहिक लगानी कोष, बीमाजस्ता कृयाकलापमा पनि आफुलाई संलग्न गराउने तिर सोच्नु आबश्यक छ ।
0 comments:
Post a Comment