स्वरोजगार लघुवित्तको २५% बोनस, त्यसपछि फेरि १००% हकप्रद

काठमाडौं : स्वरोजगार लघुवित्त विकास बैंकले २५% बोनस सेयर र कर तिर्न १.३२% नगद लाभांस दिने भएको छ । स्वरोजगारको शुक्रबार बसेको सञ्चालक समिति बैठकले सेयरधनीहरुलाई ६ करोड ९९ लाख ९८ हजार ७२० रुपैयाँको बोनस सेयर र कर तिर्न ९ लाख २३ हजार ९८३ रुपैयाँ बराबारको नगद लाभांश दिने निर्णय गरेको हो । त्यस्तै, कम्पनीले बोनस सेयर र हालै बिक्री गरेको ५०% हकप्रदपछि कायम हुने चुक्ता पुँजीमा पुनः १००% हकप्रद सेयर निष्कासन खुला गर्ने जनाएको छ । हाल स्वारेजगारको चुक्ता पुँजी ६ करोड ९९ लाख ९८ हजार रुपैयाँ छ । कम्पनीले गत आर्थिक वर्षको चौथो त्रैमासमा २ करोड ८६ लाख ४१ हजार रुपैयाँ खुद नाफा कमाएको छ । कम्पनीको प्रतिसेयर आम्दानी ४० रुपैयाँ ९१ पैसा (वार्षिक) र प्रतिसेयर नेटवर्थ १६६ रुपैयाँ ९ पैसा छ ।